Kei klari Linie vo de oberschte Füehrig
Gut am Arbeitgeber finde ich
- Vilsietige Ufgabe
- Motivierti Lüüt
Schlecht am Arbeitgeber finde ich
- Kei klari Linie vo de oberschte Füehrig
- Kei einheitlichi Kommunikation vo de Unternehmensleitig – nur individuelli Info, teilwies gägesätzlich
- Problem vo de Mitarbeiter werded vo de Unternehmensleitig nid ernscht gno, Lösigsvorschläg werded ignoriert
- Es wird erwartet, dass Aawiesige vo obe blind umgsetzt und nid hinterfragt werded. Schuld sind denn trotzdem die Uusfüehrende
Arbeitsatmosphäre
Innerhalb vo de Bereiche isch de Zämehalt und d’Stimmig sehr guet, beriechsübergriefend funktioniert d’Zämearbeit schlächt.
Dur gägesätzlichi Zielsetzige i de einzelne Bereiche wird e konstruktivi unternehmenswieti Zämearbeit verhindret.
Kommunikation
Us de oberschte Füehrigsebeni gits kei einheitlichi Kommunikation. Alli Bereiche werded individuell informiert und überchömed teilwies gägesätzlichi Informatione. Das füehrt dezue, dass d’Mitarbeiter unterschidliche Ziel noche jaged und nid zäme sondern gäge enand schaffed.
D’Problem vo de Mitarbeiter und de Teamleiter werded nid ernscht gno. Lösigsvorschläg werded konsequent ignoriert und de Iebezug vo de Mitarbeiter in lösigsorientierti Prozess wird abglehnt.
Kollegenzusammenhalt
Trotz allne Problem gits sehr motivierti Lüüt im Unternehme, wo versueched, us de gegebene Umständ s’Beschte z’mache. D’Mitarbeiter verstöhnd sich guet und organisiered immer wider Aaläss, um de Zämehalt z’stärche.
Work-Life-Balance
Wenn mer gueti Ergebnis möcht erziele (was leider nid möglich isch), cha mer rund um d’Uhr schaffe und wird nid fertig. Wenn mer das weiss und kei Problem demit het, Sache lige z’loh, cha mer sich d’Zyt guet sälber ieteile.
Vorgesetztenverhalten
Kei klari Linie vo de oberschte Füehrig. Jedes GL Mitglied isch uf sieni individuelle Inträssi fokussiert.
Interessante Aufgaben
D’Ufgabe sind sehr breit und vilsietig. Wer Abwächslig und Flexibilität gern het, chunnt da uf sieni Choschte.
Arbeitsbedingungen
D’IT isch so überlaschtet, dass nid alli Mitarbeiter mit de notwendige Arbeitsutensilie usgstattet sind.
Gehalt/Sozialleistungen
D’Sozialleischtige sind uf em gsetzliche Minimum. Da gits a andere Ort meh.