Viel Sii, wenig Schii
Gut am Arbeitgeber finde ich
Salär
Schlecht am Arbeitgeber finde ich
D Kolleginne und Kollege sind für mich klar de stärksti Pluspunkt gsi. S Umfeld sälber hani jedoch als sehr druckvoll wahrgnoh. Drum würd ich Interessierte rate, nebst de offiziälle Informatione au Erfahrige vo ehemalige Mitarbeitende miteizbezieh, bevor sie sich es Urteil bilde.
Verbesserungsvorschläge
Minere Meinig nach tät de Firma e Erneuerig i de Geschäftsleitig guet. Ich ha mir stärcheri Führigspersönlichkeite gwünscht, wo näher a de Mitarbeitende sind und Entscheidige stärker a de lokale Realität usrichte.
Arbeitsatmosphäre
D Atmosphär hani als belastend erlebt. Mis Vertroue i d Geschäftsleitig isch über d Zyt stark gsunke. Us minere Sicht isch Mikromanagement es wiederkehrends Thema gsi, und ich ha mir meh Vertrauen, Eigenverantwortig und professionelli Führig gwünscht. D Art, wie teilwiis kommuniziert und gführt worde isch, het bi mir Zweifel a de Eignig vo einzelne Führungspersone für ihri Rolle usglöst.
Kommunikation
Kommunikation? Mit minere Erfahrig isch sie vor allem i e Richtig gloffe. D Leitig het kommuniziert, während Mitarbeitendi Rückmeldige nid immer als zentral wahrgnoh worde sind. Ich ha mir meh Dialog, meh Transparenz und meh Bereitschaft gwünscht, kritischi Stimme ernst z näh. Dadurch isch bi mir nid s Gfühl vo ere offne und wertschätzende Kommunikationskultur entstande.
Kollegenzusammenhalt
Relativ guet? Nur für die, wo brav mitlaufe. D Realität isch, dass vil Mitarbeitendi Angscht hend, ihre ehrlichi Meinig z säge. Kritik wird nid als Chance zur Verbessrig gseh, sondern als Angriff. Wer de Muet het, Missständ offen aazspreche, riskiert sini Position. Das schafft e Kultur vo Angscht und Stillstand, i de me lieber schweigt als d Wahrheit usspricht.
Work-Life-Balance
Work-Life-Balance het für mich eher uf em Papier existiert als im Alltag. I minere Erfahrig isch d Erwartig a Verfügbarkeit und Leistig hoch gsi. Das chan für Lüüt, wo nebed em Job no bewusst Zyt für Familie, Hobby oder Erholig wänd, durchaus e Herausforderung sii.
Vorgesetztenverhalten
Leider git's kei Minus-Stärn. Us minere Sicht het s bi de Führig a Wertschätzig, Vertroue und offener Feedbackkultur gfählt. Kritik schiint nid immer erwünscht z sii, und das het zu eme Arbeitsumfeld biitreit, wo ich als schwierig empfunde ha.
Interessante Aufgaben
Interessanti Ufgabe? Theoretisch scho. Praktisch wird me so stark kontrolliert und usbremst, dass vo de eigentliche Attraktivität vo de Stell nüm viel übrig bliibt. Was spannend chönnt sii, wird dur schlechti Führig schnell frustrierend.
Gleichberechtigung
Glichberechtigig? Absolut. Es werde alli gliich schlecht behandelt. Da wird wenigstens konsequent kei Unterschied gmacht.
Arbeitsbedingungen
Es topmoderns Gebäude, aber kei Klimaanlag. Wer das plant het, het offebar no nie en Summer im Büro verbringe müesse. Aktuell sind d Temperaturä teilwiis so hoch, dass a konzentrierts Schaffe chum meh z dänke isch. Hauptsach schön usgseh – öb d Mitarbeitende verschmore, schiint zweitrangig z sii.
Gehalt/Benefits
De Lohn isch okay. Bi de Benefits hani persönlich aber wenig gfunde, wo über de Standard usegoht. D Zuesatzleistige sind us minere Sicht eher bescheide, sodass für mi im Verglich mit andere Arbeitgeber Potenzial für Verbesserige bestoh würd.
Image
Bi de Chunde isch s Image vo de Firma no überraschend guet. Wenn me mit ehemalige Mitarbeitende redt, wird aber klar, wie schlecht d Firma mit ihre Mitarbeitende umgaht.
Karriere/Weiterbildung
Witerbildig? Fehlazeig. Während d Füehrigschräft über Calibre gfördert werde, mues de Rest mit gelegentliche Lieferanteschulige vorlieb näh. Das als Witerbildig z bezeichne, brucht scho e gueti Portion Fantasie.