Uf em Papier eis Team, im Alltag zwo Klasse
Gut am Arbeitgeber finde ich
Eimal im Monet git's es Ässe gratis. Und es het im Team aaständigi Lüt gha, wo ghulfe hend, wenns eng worde isch.
Schlecht am Arbeitgeber finde ich
Dass Kritik gsammlet und erst ganz am Schluss uspackt wird, statt dass mer si seit, wenn si aktuell isch. Die zwo Klasse im Betrieb. S Gebäude. D Löhn. Und dass Wiiterbildig uf d Privatziit abgwälzt wird.
Verbesserungsvorschläge
Wo söll ich afange.
Arbeitsatmosphäre
Vo usse gsehts alles fründlich us. Wenn mer denn e chli lenger det isch, merkt mer, dass ehrlichs Feedback ned würkli Platz het. Bi mir isch d Kritik ned cho, wo si aktuell gsi wär, sondern gsammlet und denn ganz am Schluss uspackt worde. Do han ich nüt meh chöne dra ändere. Das findi schad, will ich gern dra gschaffet hätt.
Image
Bi de Kunde isch es teilwiis no ok, aber das chunt vo früehere Projekt. I minere Ziit sind sehr viil Lüt gange, und das prägt s Image.
Work-Life-Balance
Vo de Arbetsziite her isch es eigentlich ggange. Müehsam isch eher de Druck gsi, wo vo unklare Erwartige cho isch. Ich han es rächt komplexes Projekt überchoo, und nochher isch kei richtigi Iarbeitig meh cho. Sowas nimmt mer am Fiirabig mit hei, au wenn de Laptop zue isch.
Karriere/Weiterbildung
Es git lediglich interni Schuelige. D Fahrt hi und zrugg isch bi mir i de Privatziit gsi. Das seit eigentlich scho alles drüber, wie ernst Wiiterbildig gnoh wird.
Gehalt/Benefits
Us minere Sicht wird im Vergliich zur Konkurrenz ned guet zahlt. Kei Diensthandy, kei Firmefahrzüg. S Poolfahrzüg pfiift us alne Ände.
Umwelt-/Sozialbewusstsein
Fremdwort. Do isch mir i de ganze Ziit nüt ufgfalle, wo mer als Thema hätt chöne beschriebe.
Kollegenzusammenhalt
Im Alltag isch es mit de meiste guet gloffe. Es het viil hilfsbereiti Lüt, und ich han sälber oft Tickets vo andere übernoh, wenns bi ene eng worde isch. Umgekehrt isch es eher Glückssach gsi. Wenn ali under Druck gsi sind, isch mer au mal elei do gstande. Under em Strich trotzdem s Bescht a de Stell.
Umgang mit älteren Kollegen
Isch zum Teil do, aber ned durchgängig. Es hängt starch vo de einzelne Person ab und ned vo enere Haltig im Betrieb.
Vorgesetztenverhalten
Mitem direkte Teamleiter isch de Umgang im Alltag korrekt gsi, do han ich nüt z säge. Was mich gstört het: D Rückmeldig isch monetlang immer positiv gsi, und s Gegeteil han ich erst am Schluss z gseh überchoo, schriftlich. Wenn öppis ned stimmt, erwarti, dass mer mir das direkt seit, solang ich no chan öppis dra ändere. Und wenn mer mir es Projekt git, wo neu isch für mich, denn bruucht's au d Bereitschaft, mich det z begleite.
Arbeitsbedingungen
Was söll mer do säge. Es sehr alts, brüchigs Gebäude, kaputte Bode, chliini klaustrophobischi Chuchi und Toilette. Zum Schaffe isch das eifach ned meh zitgemäss.
Kommunikation
Für mich de gröscht Knackpunkt. I de monetliche Gspröch hets immer gheisse, s laufi guet. Es anders Bild han ich erst ganz am Schluss z gseh überchoo, und das isch denn plötzlich es ziemlich anders gsi. Sache, wo ich monetlang zäme mitem Vorgesetzte dra gschaffet han, sind spöter ufta, wie wenn si grad erst entdeckt worde wäred. E Verwarnig oder es kläreds Gspröch hets nie geh. Wenn öppis ned passt, sött mer das säge, wenns passiert.
Gleichberechtigung
Es git zwo Klasse im Betrieb. D Lieblinge werded bevorzugt, di andere blibed uf de Strecki. Gredt wird viil devo, mir sigid eis Team und alli gliich, aber das stimmt eifach ned. Gwüssi Vorgesetzti dörfed sich Fehler erlaube, anderi ned. Genau das han ich sälber erläbt.
Interessante Aufgaben
S meiste isch Routine am Service Desk gsi, viil vom Gliiche. Es het scho au spannendi Projekt geh, aber det bin ich denn ohni richtigi Iarbeitig ins chalte Wasser gworfe worde. Interessanti Ufgabe bringed nu öppis, wenn mer au s Rüstzüg derzue überchunnt.
Arbeitgeber-Kommentar
Vielen Dank für deine ausführliche Rückmeldung.
Wir bedauern, dass dir deine Zeit bei uns so negativ in Erinnerung geblieben ist.
Einzelne Aussagen in deiner Bewertung können wir aus unserer Sicht nicht nachvollziehen und sie decken sich nicht mit den tatsächlichen Gegebenheiten in unserem Unternehmen.
Konstruktive Kritik nehmen wir ernst und prüfen sie sorgfältig. Für ein persönliches und vertrauliches Gespräch stehen wir dir jederzeit gerne zur Verfügung.
Viele Grüsse
Patrizia