SwissCo 

Services 

AG

Bewertung

Schlecht am Arbeitgeber finde ich

D’Situation, wo ich und vil anderi Mitarbeitendi über längeri Zyt erlebe, het leider wenig bis gar nüt mit däre Darstellung z’tue, wo offe kommuniziert wird. Es Problem isch scho seit Jahr bekannt, aber bis hüt isch kei wirkliche Besserig z’sehe.

D’Führig isch i viele Bereich schwach oder überfordert. Unter de Kollege herrscht zum Teil en respektlose Umgangston, wo weder professionell no wertschätzend isch. Es chunnt immer wieder zu vertuschte Mobbing-Situationen, wo betroffene Personä nöd ernst gno werde. Neui Mitarbeitendi werde vo einzelne Lüüt grundlos aagange, usgrenzt oder erschwert, statt korrekt i Team integriert z’wärde.

Es wird ghätzt, gläschtert und teilwiis sogar Lugä verbreitet. Das Thema isch schon mehfach thematisiert worde, aber ohni erfolgrichi Veränderig. D’Mitarbeitende, wo sich trauet, uf Missständ ufmerksam z’ mache, werde schnell als „negativ“ oder „Unruhebringer“ abgestempelt – und am End stöh sie als Problem de. Gute Mitarbeiter werde isoliert, ignoriert oder sogar indirekt ussorte. Das führt zu eim Klima vo Misstraue und Angst statt zäme schaffe.

Es brucht i eim Team Menschlichkeit, Respekt und Fingerspitze-Gfühl. Nöd jede isch de richtige Mensch für e Führigsposition – und das zeigt sich de Tag für Tag. Statt Kompetenz und Fairness z’fördere, werde schwächere oder problematische Mitarbeitende schützt, während engagierti und fähigi Lüüt d’Konsequenze träge.

Sogar neui Mitarbeitende, wo frisch aafange, chönd bereits die gliche Muster beobachte – und es isch verständlich, wenn eini scho früeh wieder d’Firma verlönd. Es isch extrem bedauerlich, was für e schlechti Teamkultur sich da über d’Jahr entwickelt het und wie wenig bis jetzt unternoh isch worde.

Ich hoff, dass die Missständ endlich ernst gno werde und dass de eine oder anderi neui Mitarbeiter schnell merkt, dass die Umständ nüt mit professioneller Zämeschaff z’tue händ. Es het gueti Lüüt i dä Firma – aber leider au einigi, wo s’Arbeitsklima massiv belaste.